「劇集嘅長度」高手在於識得收放自如

我成日強調，「skip住嚟睇戲/劇」係無奈之舉。好似TVB班粉腸，一啖砂糖一啖屎，好耐未試過連續三套劇都唔垃圾。要佢哋中三重彩仲難過方逸華翻生。

「白色強人」呢啲劇集，十集俾多佢。佢硬係要拍夠25集。咁點算？劇情死砌爛砌，最常見嘅2打6嘅曖昧關係和愛情。差啲連洗廁所嘅阿姐嘅初戀都想講埋。以前佢哋套「不懂撒嬌的女人」，如果十二集內結束我覺得還可以，佢就要拍多十幾集。咁啲劇情唔暴走唔亂嚟都唔得啦。

冇貨賣呀嘛。

相反 「教束」有質素，頭幾集已經知佢猛料，佢有權拍夠20集（以40幾分鐘為一集），結果每一集得20分鐘左右，播咗四個禮拜就大結局。節奏爽，劇情連貫，每一集緊隨之後有高潮。

加上貼地呀嘛。

而VIU TV十點劇「退休女皇」，堪稱災難。同以往唔少VIUTV劇一樣咁怪，咁難睇。

睇嚟VIU TV想喺劇集上追近少少TVB 仲路漫漫 任重而道遠……