三級片演員，通常有兩種。第一種，本來有啲名氣，為咗片酬or劇本，搏一鋪露兩點；第二種，冇乜人識，想靠三級片翻身。

好似舒淇咁，拍三級片可以撞到爾東陞，不能說不是一個黃金機會。結果舒淇拍完「色情男女」，就唔需要再拍三級片，慢慢轉型為實力派女演員。

我諗男人都睇唔少三級片，要開group分享三級片，講三日三夜都講唔曬，今日想同大家講下李月仙。

我欣賞佢夠搏，冇包袱，一心想喺娛樂圈紅。佢以素人嘅身份走去見成人雜誌嘅老細，李月仙話錢唔緊要，露三點都冇問題，最緊要有封面。

而本來諗住做model，封面拍唔到，反而被推介去拍三級片。李月仙豪爽應承。

我認為一個女仔，如果可以好似李月仙咁型，冇乜邊幾個。不為錢，不為追明星，只為紅。難得有青春，點解唔博下？

而事實上，李月仙拍咗幾套三級片，演技都唔算差，三級片嘅世界入面，炮灰太多，而好多炮灰啲戲真係屎，以為剝曬衫咁做叫下呻吟下就ok，好似李月仙咁，雖然佢拍親都低成本製作，但佢交足功課，有啲劇情就算幾變態下,佢都可以傾情演出。

呢套由台灣「小黑」柯受良執導、梁朝偉主演嘅「正牌韋小寶之奉旨溝女 」，李月仙亦參演一角。

佢雖然唔算好靚，但佢拍嘅三級片我追曬，我真心覺得如果佢可以遇到其他名導演，佢可以有更上一層樓嘅表現。

正牌韋小寶之奉旨溝女